PKK lideri Abdullah Öcalandan Dövlət Baxçalıya reaksiya

DEM Partiyasının millət vəkili, Abdullah Öcalanın qardaşı oğlu Ömər Öcalan terror təşkilatı PKK-nın lideri, terrorçu Abdullah Öcalanla görüşdüyünü açıqlayıb. 

Ömər Öcalanın sözlərinə görə, bu, bir ailə görüşü olsa da, təbii ki, MHP lideri Dövlət Baxçalının "silahları buraxın" çağırışını da müzakirə ediblər.

Görüşdə ümumi siyasi proseslərlə bağlı qiymətləndirmələr aparan Abdullah Öcalan bu mesajın ictimaiyyətə çatdırılmasını istəyib: “Təcrid davam edir. Əgər şərait yaranarsa, mənim bu prosesi münaqişə, zorakılıq zəminindən hüquqi və siyasi zəminə daşımaq üçün nəzəri və praktiki gücüm var”.