Sumqayıt şəhərinin iqtisadi və sosial həyatında mühüm rol oynayan sahələrdən biri də çörək istehsalı və əhalinin gündəlik tələbatının təminidir. Bu sahədə uzun illərdir ki, yüksək səviyyəli və peşəkar idarəçilik nümunəsi göstərən şəxslərdən biri də “Sumqayıt Çörək” Açıq Səhmdar Cəmiyyətinin rəhbəri Tofiq Hüseynovdur. Onun rəhbərliyi ilə müəssisə təkcə çörək istehsalçısı deyil, həm də sosial məsuliyyətli, müasir və dayanıqlı iqtisadi fəaliyyət göstərən bir qurum kimi tanınır.
Tofiq Hüseynov öz peşəkarlığı, təvazökarlığı və işinə məsuliyyətli yanaşması ilə Sumqayıtın ən güvənilən sənaye rəhbərlərindən biri hesab olunur. Onun rəhbərlik etdiyi “Sumqayıt Çörək” ASC bu gün təkcə Sumqayıt deyil, yaxın ətraf rayonların da çörək və un məmulatları ilə fasiləsiz təminatını həyata keçirir.
Tofiq Hüseynov rəhbərliyə gəldiyi gündən etibarən müəssisənin istehsalat gücünü artırmaq, avadanlıqları müasirləşdirmək və məhsulun keyfiyyətini beynəlxalq standartlara uyğunlaşdırmaq istiqamətində ardıcıl və məqsədyönlü addımlar atmışdır. Onun təşəbbüsü ilə “Sumqayıt Çörək” ASC-də yeni xəttlər quraşdırılmış, yüksək texnologiyalı cihazlar tətbiq olunmuş və nəticədə həm məhsuldarlıq artmış, həm də keyfiyyət daha da yüksəlmişdir.
Tofiq Hüseynov rəhbərlik etdiyi müəssisənin sosial məsuliyyətini də daim ön planda tutur. Xüsusilə aztəminatlı ailələrin, şəhid ailələrinin, qazilərin və tənha şəxslərin çörək ehtiyaclarının qarşılanması üçün tez-tez xeyriyyə aksiyaları təşkil olunur. Tofiq müəllim bu addımları ilə həm də iş adamının cəmiyyət qarşısında borcunun nədən ibarət olduğunu nümayiş etdirir.
Müəssisədə məhsulun istehsalı prosesi ciddi nəzarət altındadır. Həm xammalın seçilməsi, həm də məhsulun son istehlakçıya çatdırılması mərhələsində bütün sanitar və keyfiyyət normalarına ciddi şəkildə əməl olunur. Bu isə bir daha göstərir ki, Tofiq Hüseynov üçün əsas meyar keyfiyyət, dürüstlük və xalq etimadıdır.
Tofiq Hüseynovun rəhbərliyi ilə “Sumqayıt Çörək” ASC-nin fəaliyyət miqyası genişləndikcə, şəhərdə yeni iş yerləri də yaradılır. Bu isə həm Sumqayıtın sosial-iqtisadi həyatına töhfə verir, həm də gənclərin peşəkar əmək bazarına inteqrasiyasına şərait yaradır.
Rəhbərlik etdiyi müəssisəni daha da genişləndirmək, yeni məhsul çeşidləri ilə bazara çıxmaq və ixrac potensialı olan keyfiyyətli məhsullar istehsal etmək Tofiq Hüseynovun əsas məqsədlərindəndir. O, daim yeniliklərə açıq, innovativ texnologiyaların tətbiqinə hazır bir menecer obrazı ilə tanınır.
Tofiq Hüseynovun rəhbərlik etdiyi “Sumqayıt Çörək” Açıq Səhmdar Cəmiyyəti, Sumqayıtda çörəkçiliyin ən etibarlı ünvanıdır. Bu müəssisə təkcə çörək istehsal etmir – o, insanların gündəlik rifahına, sosial təminatına və milli iqtisadiyyatın inkişafına dəyərli töhfələr verir. Tofiq Hüseynovun şəxsində isə bu uğurların arxasında dayanan, sadiq, peşəkar və vətənpərvər bir rəhbər dayanır.
Tofiq Hüseynov kimi vətənə və xalqına xidmət edən rəhbərlərin fəaliyyətini təqdir edir və gələcək işlərində ona daha böyük uğurlar arzulayırıq.
Təsisçi və baş redaktor: Eminov Mehman Niftalı oğlu
Tel: (+99450) 577 95 98 , (+99455) 469 66 40
Xüsusi müxbir: Alıyev Kamil Həsən oğlu
